Cofnodion cryno - Y Pwyllgor Deisebau

Lleoliad:

Ystafell Bwyllgora 1 - Y Senedd

Dyddiad: Dydd Mawrth, 19 Mehefin 2018

Amser: 09.03 - 10.57
Gellir gwylio’r cyfarfod ar Senedd TV yn:
http://senedd.tv/cy/4758

------

Yn bresennol

Categori	Enwau
Aelodau’r Cynulliad:	David J Rowlands AC (Cadeirydd) Rhun ap Iorwerth AC Janet Finch-Saunders AC Mike Hedges AC Neil McEvoy AC
Tystion:	Huw Irranca-Davies AC, Y Gweinidog Plant, Pobl Hŷn a Gofal Cymdeithasol Gareth Griffiths, Llywodraeth Cymru
Staff y Pwyllgor:	Graeme Francis (Clerc) Kayleigh Imperato (Dirprwy Glerc) Kathryn Thomas (Dirprwy Glerc) Lisa Salkeld (Cynghorydd Cyfreithiol)

<AI1>

1 Cyflwyniad, ymddiheuriadau, dirprwyon a datgan buddiannau

Croesawodd y Cadeirydd bawb i’r cyfarfod. Ni chafwyd unrhyw ymddiheuriadau.

</AI1>

<AI2>

2 Deisebau newydd

</AI2>

<AI3>

2.1 P-05-817 Aelodau prosthetig arbenigol i blant

Trafododd y Pwyllgor y ddeiseb am y tro cyntaf a chytunodd i ysgrifennu at Bwyllgor Gwasanaethau Arbenigol Iechyd Cymru (WHSSC) i ofyn am ragor o fanylion am y polisi presennol ar gyfer darparu gwasanaethau prosthetig, gan ofyn:

· pam mae'n ymddangos bod gwahaniaeth yn cael ei wneud rhwng breichiau a choesau;

· faint o geisiadau a gafwyd ar gyfer coesau prosthetig hamdden o dan y broses Ceisiadau Cyllido Cleifion Unigol (IPFR), ac amcan o'r gyfran a gymeradwyir;

· am fanylion am y gost ychwanegol gyfartalog sy'n gysylltiedig â darparu coes brosthetig hamdden i blentyn neu berson ifanc; ac

· i ba raddau y mae technoleg argraffu 3D yn cael ei defnyddio ar hyn o bryd, neu y gellid ei defnyddio yn y dyfodol, i gynhyrchu aelodau prosthetig.

</AI3>

<AI4>

2.2 P-05-819 Enwau Lleoedd Cymru - Bil Diogelu a Hyrwyddo

Trafododd y Pwyllgor y ddeiseb am y tro cyntaf a chytunodd i aros am sylwadau pellach gan y deisebydd mewn ymateb i'r llythyr gan y Gweinidog Diwylliant, Twristiaeth a Chwaraeon cyn penderfynu a ddylid cymryd camau pellach ynglŷn â'r ddeiseb.

</AI4>

<AI5>

2.3 P-05-820 Peidiwch â chymryd Castell-nedd oddi ar y brif reilffordd

Datganodd Neil McEvoy y buddiant perthnasol a ganlyn o dan Reol Sefydlog 17.24A:

 Mae'r deisebydd yn gweithio iddo.

Trafododd y Pwyllgor y ddeiseb hon am y tro cyntaf a chytunodd i ysgrifennu at Ysgrifennydd y Cabinet dros yr Economi a Thrafnidiaeth yn gofyn:

• am gadarnhad pellach na fyddai Llywodraeth Cymru yn cefnogi unrhyw gynnig a fyddai'n cymryd â gorsaf Castell-nedd oddi ar brif linell de Cymru;
• am gadarnhad y byddent yn gweithredu yn erbyn cynnig o'r fath pe bai'n codi; ac
• am fanylion ynghylch unrhyw drafodaethau a gafwd ar y mater hwn â Llywodraeth y DU neu Network Rail. 

</AI5>

<AI6>

3 Y wybodaeth ddiweddaraf am ddeisebau blaenorol

</AI6>

<AI7>

3.1 P-05-793 Band eang cyflym i bentref Llangenni

Trafododd y Pwyllgor yr ohebiaeth gan Openreach a chan Arweinydd y Tŷ a chytunodd i aros am gyhoeddiad ynghylch y cynllun a fydd yn olynu Cyflymu Cymru, gan ofyn am fanylion bryd hynny ynghylch a all Llangenni ddisgwyl cael cysylltiad band eang cyflym iawn drwy'r rhaglen honno .

</AI7>

<AI8>

3.2 P-04-519 Diddymu Taliadau Comisiwn wrth werthu Cartrefi mewn Parciau

Trafododd y Pwyllgor ddatganiad diweddar y Gweinidog Tai ac Adfywio a chytunodd i ysgrifennu at y deisebwyr yn gofyn am eu barn am benderfyniad y Gweinidog Tai ac Adfywio, gan egluro'r un pryd bod y Pwyllgor o'r farn nad oes llawer yn rhagor y gall y Pwyllgor ei wneud yng ngoleuni'r ystyriaeth fanwl a roddwyd i'r mater gan Lywodraeth Cymru.

</AI8>

<AI9>

3.3 P-05-757 Cael gwared ar y rhwymedigaeth ar ysgolion i gynnal gweithredoedd addoli crefyddol

Trafododd y Pwyllgor y ddeiseb hon ar y cyd â P-05-765 Cadw canllawiau presennol ar gyfer Gwasanaethau Crefyddol a chytunodd i aros am y wybodaeth ddiweddaraf gan Ysgrifennydd y Cabinet dros Addysg ar ôl i'w swyddogion gwblhau eu hadolygiad o'r pwnc hwn.

</AI9>

<AI10>

3.4 P-05-765 Cadw canllawiau presennol ar gyfer Gwasanaethau Crefyddol

Trafododd y Pwyllgor y ddeiseb hon ar y cyd â P-05-757 Cael gwared ar y rhwymedigaeth ar ysgolion i gynnal gweithredoedd addoli crefyddol a chytunodd i aros am y wybodaeth ddiweddaraf gan Ysgrifennydd y Cabinet dros Addysg ar ôl i'w swyddogion gwblhau eu hadolygiad o'r pwnc hwn.

</AI10>

<AI11>

3.5 P-05-802 Amddiffyn Maint Dosbarthiadau mewn Ystafelloedd Dosbarth a Gweithdai Dylunio a Thechnoleg

Trafododd y Pwyllgor yr ohebiaeth gan Ysgrifennydd y Cabinet dros Addysg a chytunodd i aros am ddiweddariad pellach gan Ysgrifennydd y Cabinet, a barn y deisebydd, cyn ystyried a oes angen unrhyw gamau pellach ynglŷn â'r ddeiseb.

</AI11>

<AI12>

3.6 P-05-753 Cryfhau'r Fframwaith Deddfwriaethol a Rheoleiddiol Ynghylch Cyfleusterau Prosesu Pren Gwastraff

Trafododd y Pwyllgor yr ohebiaeth gan Ysgrifennydd y Cabinet dros Ynni, Cynllunio a Materion Gwledig, ynghyd â sylwadau pellach y deisebydd, a chytunodd i gau'r ddeiseb ar sail:

• y wybodaeth a ddarparwyd gan Gyfoeth Naturiol Cymru mewn perthynas â'i ddull gweithredu presennol o ran rheoleiddio;
• y camau a gymerwyd i gryfhau opsiynau gorfodi Cyfoeth Naturiol Cymru; a'r
• newidiadau i'r Rheoliadau Caniatáu Amgylcheddol sydd yn yr arfaeth.

</AI12>

<AI13>

3.7 P-05-777 Cymhwyso’r ddeddfwriaeth systemau llethu tân awtomatig o fewn y rheoliadau adeiladu cyfredol ar gyfer Cymru.

Trafododd y Pwyllgor yr ohebiaeth gan Gadeirydd y Pwyllgor Cydraddoldeb, Llywodraeth Leol a Chymunedau a chytunodd i gau'r ddeiseb yng ngoleuni'r ffaith bod y Pwyllgor bellach wedi cael cadarnhad nad oes gan y Cynulliad na Llywodraeth Cymru ddim bwriad adolygu'r gofynion rheoleiddiol yn y maes hwn ar hyn o bryd.

</AI13>

<AI14>

3.8 P-05-800 Apêl Brys am Gomisiynydd Cyn-filwyr Cymru i ofalu am iechyd a lles cyn-filwyr sydd wedi’u hanafu, sy’n sâl neu sy’n ddigartref

Trafododd y Pwyllgor yr ohebiaeth gan y deisebydd a chytunodd i ysgrifennu at Ysgrifennydd y Cabinet dros Lywodraeth Leol a Gwasanaethau Cyhoeddus i ofyn a oes ffordd o drefnu cyfarfod rhwng y deisebydd a'r Grŵp Arbenigol y Lluoedd Arfog.

</AI14>

<AI15>

3.9 P-05-782 Adeiladu Ffordd Osgoi Cas-gwent i Gael Gwared ar y Tagfeydd oddi ar yr M48 i'r A48

Cytunodd y Pwyllgor i gau'r ddeiseb am nad yw'n bosibl ei dwyn ymlaen na blaenoriaethu ei thrafod ymhellach yn niffyg cysylltiad â'r deisebydd.

</AI15>

<AI16>

4 Papur i’w nodi

</AI16>

<AI17>

4.1 P-05-785 Atal Trwydded Forol 12/45/ML i ollwng gwaddodion morol ymbelydrol o safle niwclear Hinkley Point yn nyfroedd glannau Cymru ger Caerdydd

Nododd y Pwyllgor y papur.

</AI17>

<AI18>

5 Cynnig o dan Reol Sefydlog 17.42 i benderfynu gwahardd y cyhoedd ar gyfer eitemau 6 a 8 ar yr agenda heddiw:

Cytunodd y Pwyllgor ar y cynnig.

</AI18>

<AI19>

6 Adroddiad drafft - P-04-682 Sgrinio Rheolaidd ar gyfer Diabetes Math 1 mewn Plant a Phobl Ifanc

Cytunodd y Pwyllgor ar yr adroddiad drafft a'r bwriad i'w gyhoeddi cyn toriad yr haf, gyda'r bwriad o gynnal dadl yn y Cyfarfod Llawn yn nhymor yr hydref.

</AI19>

<AI20>

7 Sesiwn dystiolaeth – P-05-771 Ailystyried y penderfyniad i roi’r gorau i Grant Byw'n Annibynnol Cymru a’r angen i gefnogi pobl anabl i fyw'n annibynnol

Clywodd y Pwyllgor dystiolaeth gan y Gweinidog Plant, Pobl Hŷn a Gofal Cymdeithasol a chan Gareth Griffiths.

</AI20>

<AI21>

8 Trafodaeth o'r sesiwn dystiolaeth flaenorol – P-05-771 Ailystyried y penderfyniad i roi’r gorau i Grant Byw'n Annibynnol Cymru a’r angen i gefnogi pobl anabl i fyw'n annibynnol

Trafododd yr Aelodau'r sesiwn dystiolaeth a chytunodd i ofyn am dystiolaeth ychwanegol gan ystod o randdeiliaid mewn perthynas â phwnc y ddeiseb.

</AI21>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>